Европската Унија се придружува на Украина и на меѓународните партнери, вклучувајќи ги и САД, во повикот за целосен и безусловен прекин на огнот од најмалку 30 дена, порача високата претставничка на ЕУ за надворешни работи и безбедносна политика Каја Калас во изјавата упатена во име на Унијата и уште пет други држави, меѓу кои и земјава.
– Овој прекин во непријателствата би можел да послужи како клучен чекор кон намалување на страдањето на цивилите и да овозможи простор за значајни разговори за вистински мир со цел да се стави крај на агресивната војна на Русија и да се воспостави сеопфатен, праведен и траен мир се наведува во изјавата.
Како што јави дописикот на МИА од Брисел, Калас додава дека ЕУ останува непоколеблива во својата посветеност кон сеопфатен, праведен и траен мир во Украина, заснован на принципите на Повелбата на ОН и меѓународното право и ги поздравува сите напори за постигнување таков мир.
– Како и во минатото, и сега е на Русија да ја покаже својата подготвеност да постигне мир, додава Калас во изјавата која е поддржана и од земјите што не се членки на ЕУ, а чии претставиници присуствуваа на вчерашниот неформалниот состанок на министрите за надворешни работи во Лавов – Молдавија, Северна Македонија, Норвешка, Украина и Велика Британија.
ИЗДВОЕНИ
Лидерите на Франција, Германија, Полска и Велика Британија ја повикаа Русија на безусловно 30-дневно примирје
Министерот Тошковски за пожарот во Кочани: Во моментов се сослушуваат сведоци коишто се поврзани со кривичниот настан
Обинителството отвори истрага против пет лица, меѓу кои и првоосомничениот, за убиството во Штип
Златен јубилеј за виртуозот на гитара: Влатко Стефановски со концерт одбележа 50 години музичка кариера/ФОТО
