Скандалозна изјава на Вучиќ за студентот заробен на бродот за Газа: „Кога не можат да се спасат, ја повикуваат државата на помош“

„Честопати сме се справувале со неодговорни луѓе, имаме колку сакате од овие спасители на светот. Денес, на крајот, кога не се во можност да се спасат, ја повикуваат државата на помош. Државата, секако, секогаш е тука да помогне и секогаш ќе направи сè што може“, рече српскиот претседател Александар Вучиќ, зборувајќи за студентот Огњен Марковиќ, кој е заробен на брод што носеше хуманитарна помош за Газа.

На прашањето на новинарите дали ќе разговара за актуелните геополитички предизвици како што е ситуацијата во Газа со своите европски колеги, како и дека на еден од бродовите кои носеат помош за Газа, а кој го пресретна израелската армија, се наоѓа и студентот Огњен Марковиќ, кој повикува на „притисок“ врз српската влада да побара негово ослободување, Вучиќ рече дека неодговорните поединци секогаш ја повикуваат државата на помош, но дека државата е секогаш тука да помогне.

Izraelske snage su upravo preuzele kontrolu nad brodom Adara, jednom od plovila u sklopu Sumud flotile koja je nosila humantiranu pomoć u Gazu.

Na ovom brodu nalazio se i naš kolega Ognjen Marković.

Ovo je Ognjenova poruka, uskoro objavljujemo dodatne informacije. pic.twitter.com/CcgHRmP1DW

— FLU blokada (@FluBlokada) October 1, 2025

„Ги следам вестите од синоќа, видов што се случува, сè беше очекувано. Ми се чини дека никој во светот не е изненаден, затоа Џорџа Мелони реагираше претходно и рече дека тоа треба да се запре. Некои луѓе не го сакаа тоа ни по секоја цена. Што се однесува до борбата за нашиот народ, тоа е наша обврска. Честопати моравме да се справуваме со неодговорни луѓе, имаме колку што сакате од овие спасители на светот. Денес, на крајот, кога не се во можност да се спасат себеси, ја повикуваат државата на помош. Државата, се разбира, секогаш е тука да помогне и секогаш ќе направи сè што може“, рече Вучиќ.

Студентите на Факултетот за драмски уметности во блокадата објавија дека во флотилата, која синоќа беше пресретната од израелската армија на пат кон Газа, имало и брод што го носел нивниот колега Огњен Марковиќ.

Во објавата се наведува дека израелските сили ја презеле контролата врз бродот „Адара“, еден од бродовите во флотилата „Сумуд“ што носи хуманитарна помош за Газа, и дека на него бил и Огњен Марковиќ.

Израелски воени бродови ја пресретнаа флотилата со хуманитарна помош кај Газа/ВИДЕО