Скандал во Грција: Доживотна забрана за навивач на ПАО

Кошаркарите на Панатинаикос победија едно од најпријатните изненадувања во годинашното издание на Евролигата откако беа подобри на домашен терен од Хапоел Тел Авив со 93:82. Но, натпреварот ќе остане во сенка на големиот инцидент што се случи во текот на паузата меѓу двете полувремиња.

Во тоа време, навивач на ПАО го удри и го навреди сопственикот на израелскиот клуб, Офер Јанаи, кој се најде во многу непријатна ситуација. Веднаш по натпреварот, атинскиот клуб се огласи и остро го осуди овој гест, а на неименуваниот навивач му беше забрането доживотно да присуствува на натпреварите.

Како што беше најавено, на навивачот му е одземена сезонската карта, а, исто така, му е забрането доживотно да влегува во арената ОАКА, каде што игра ПАО. Клубот соопшти дека нема место за насилно и расистичко однесување во салата на Панатинаикос, нагласувајќи нулта толеранција за инциденти што ги нарушуваат безбедноста и угледот на клубот.