Навреме се отворени сите избирачки места и процесот на гласање за Локалните избори се спроведува без проблем, соопшти изутринава Државната изборна комисија (ДИК).
Државната изборна комисија (ДИК) првичните резултати од локалните избори добиени по електронски пат од општинските изборни комисии ги објавува сукцесивно, а резултатите врз основа на податоците од записниците од општинските изборни комисии во рок од 12 часа по завршувањето на изборите.
Гласањето почна во 7 часот, а ќе трае до 19 часот.
Се гласа на 3 474 избирачки места, на кои до 19 часот правото на глас можат да го искористат 1 832 415 граѓани.
На локалните избори 2025 има вкупно 309 кандидати за градоначалници и 576 листи за членови на општинските совети со вкупно 10 490 кандидати.
Вчера, ден пред изборите, гласаа затворениците, лицата во домашен притвор, болни и немоќни лица и лица во старските домови.
ДИК најави дека првите согледувања за текот на гласањето и за излезноста ќе ги објави на прес-конференција во 09:30 часот.
Првичните резултати од локалните избори ДИК треба да ги соопшти во рок од 12 часа
ИЗДВОЕНИ
Тошковски: Гласањето започна на сите избирачки места, изборниот процес тече мирно и демократски – засилено присуство на МВР на терен и употреба на современа технологија, вклучително и дронови за воздушна контрола
Во Скопје со право на глас 474 304 граѓани – имаат можност да избираат градоначалник помеѓу 16 кандидати и 19 листи за советници
Локални избори 2025: Отворени избирачките места, граѓаните избираат градоначалници и советнички листи во 80 општини и Градот Скопје
Се купува сè што сјае: накит, плочки, монети, дигитално злато
