Ракувањето меѓу Владимир Путин и 22-годишниот здравствен експерт предизвика нова дебата за неговото здравје, откако многу набљудувачи забележаа отечени вени на неговите раце и необично стегање на тупаниците.
Путин се состана со Екатерина Лешчинскаја, 22-годишната претседателка на движењето „Здрав патриот“, за да разговараат за можна забрана за продажба на електронски цигари во Русија кога на неговите раце беа забележани необични траги.
Додека ја подаваше раката кон младата жена, на десната рака му беа видливи отечени вени, истакнати тетиви и тенка, збрчкана кожа. Видеото од средбата го прикажува рускиот претседател како нервозно ги движи прстите и ја стиска тупаницата под ракавот од јакната.
Putin's handshake with health expert sparks concern. pic.twitter.com/MTpzZzW698
— Daily Mail (@DailyMail) November 10, 2025
Откако видеото се прошири на социјалните мрежи, првенствено полските медиуми, но и украински извори сугерираа дека рускиот лидер можеби имал големи болки во тој момент.
Други тврдат дека Путин покажува само вообичаени знаци на стареење кои наводно се обидува да ги прикрие со козметички процедури.
Видеото повторно ги разгоре шпекулациите за здравјето на Путин, но Кремљ веднаш ги нарече сите тврдења за болеста на рускиот претседател „глупости“.
Ова не е прв пат здравјето на Путин да биде доведено во прашање. Во ноември минатата година, за време на посетата на Астана, тој покажа необични грчеви во нозете. Додека зборуваше на прес-конференцијата, цврсто се држеше за говорницата и нозете му се грчеа неконтролирано. Започна со левата нога, а потоа обете колена почнаа да се движат.
