Директорот на Центарот за управување со кризи (ЦУК), Али Мухамед, заедно со заменик-директорот Трајче Јовановски и со тимот од Секторот за операции и координација на ЦУК присуствуваа на симулациско-показна вежба на тема: „Справување со пожар на отворен простор од пошироки размери – шумски пожар“ што се одржа на просторот на Национален парк „Пелистер“, во соработка со Општина Битола.
Како што информираат од ЦУК, целта на вежбата била подобрување на одговорот при справување со пожари на отворен простор, увежбување на Општинскиот штаб за заштита и спасување во насока на вклучување на дополнителни локални сили; операционализација на одлуките и заклучоците на Општинскиот штаб преку воспоставување единствен инцидент команден систем; организација и спроведување на мерки за евакуација на населението од загрозеното подрачје, давање тријажа и прва медицинска помош, како и зајакнување на институционалната кохезија и унапредување на комуникацијата и координацијата меѓу надлежните служби.
– Симулациско-показната вежба беше организирана од Национален парк „Пелистер“ и Општина Битола, со учество на сили и на ресурси од локално и од регионално ниво, во соработка и со поддршка на Центарот за управување со кризи – соопштија од ЦУК
ИЗДВОЕНИ
ОБВИНИТЕЛСТВОТО И ПОЛИЦИЈАТА ВО АКЦИЈА НА ЧЕТИРИ ЛОКАЦИИ ВО СКОПЈЕ : Претреси во старски домови, сомнежи за нехуман третман на стари лица
Двајца пукале во жител на Слупчане, повредениот е во болница
И пензија и плата – пензионерите се враќаат на работните места
КАМПАЊАТА НОСИ И ВЕТУВАЊА ЗА КОИ СЕ ПОТРЕБНИ ДЕЦЕНИИ: Амбициозни кандидати, футуристички визии – се нудат проекти Скопје 2045, Чаир 2040… за мандат од четири години?
