Симболичен гест против високите цени и туризмот: Од октомври, „фирентиско кафе“ за 1 евро

Во време кога цената на кафето во баровите во Италија е на работ да го премине таканаречениот „психолошки праг од две евра“, во Фиренца се појави иницијатива што оди во спротивна насока.

Историското кафуле „Пјаца дела Сињорија“ им нуди на граѓаните на Фиренца кафе за едно евро наречено „Il Caffè del fiorentino“ (фирентинско кафе).

Од октомври, и без временско ограничување, жителите на Фиренца и околните општини можат да нарачаат еспресо за само едно евро, наместо вообичаените 1,80 евра, објавува „РТС“.

Целта не е само да се намали цената на шолја од нивното омилено кафе, туку и да се испрати симболична порака: да се врати историскиот центар на граѓаните, честопати обесхрабрени од високите цени и масовниот туризам.

„Колку пати сум слушнал: „Никогаш не одам во центарот“, вели Марко Фалани, генерален директор на „Ривоар“.

„Фиренца мора да остане дом на своите жители. Кафе за едно евро може да изгледа малку, но може да значи многу“, додава Фалани.

Основано во 1872 година од дворскиот слаткар Енрико Ривоар, местото одамна стана симбол на елеганција и фирентинска традиција. Денес, под водство на претприемачот и патрон Кармине Ротондаро, брендот ги проширува своите хоризонти кон Милано и Венеција, но неговото срце останува во Фиренца.

Додека Ривоар ги намалува цените, секторот за кафе се соочува со структурна криза. Од 2020 година, цената на шолја кафе се зголеми за повеќе од 50 проценти, додека арабика и робуста се зголемија за 62 и 78 проценти, соодветно.

Причините се бројни: екстремни климатски промени во земјите производители како што се Бразил и Виетнам, растечка побарувачка на пазарите во развој како што се Кина и Индија, финансиски шпекулации, зголемување на трошоците за логистика и транспорт.

Според податоците од Унимпреса (Национален сојуз на претприемачи), просечната цена на еспресо во Италија би можела да достигне две евра до крајот на 2025 година, менувајќи ги навиките на потрошувачите. Додека потрошувачката на зелено кафе опаѓа (- 6,85% во споредба со 2022 година, на 327 милиони килограми), пазарот на кафе во капсули доживува силен раст (+18,8%).

Кафето останува составен дел од италијанскиот секојдневен живот, но шолја во бар сè повеќе станува мал луксуз.

Сепак, од Фиренца доаѓа поинаков сигнал: едноставен гест, кафе за едно евро, како потсетник дека центарот на градот сè уште им припаѓа на неговите жители. Сè што треба да направат е да покажат лична карта што докажува дека живеат во Фиренца и дека кафето се служи за едно евро.