Силна медитеранска бура го опустоши јужниот дел на Италија, невидени бранови носеа луѓе и уништија плажи/ВИДЕО

Зимското невреме предизвика сериозни штети на италијанскиот брег и на медитеранските острови, а властите денеска проценија дека само на Сицилија штетите изнесуваат 740 милиони евра.

Високи бранови, силни удари на ветер и обилен дожд предизвикаа штети и на Сардинија, додека на копнениот дел од земјата најтешко е погоден регионот Калабрија на југот.

Nature’s fury at its peak! Storm Harry has unleashed absolute chaos in Malta, with massive waves surging so high they are literally crashing into people's living rooms. The footage coming in is terrifying, showing the sheer power of the ocean. Praying for the safety of everyone… pic.twitter.com/HsHZaLtGEl

— NewsX World (@NewsX) January 22, 2026

Невремето „Хари“, кое изминатите денови го зафати регионот, целосно ги поплави плажите на Сицилија, додека патиштата во крајбрежните области беа под вода. Силниот ветер кршеше излози на ресторани и објекти. На железничката линија меѓу Месина и Катанија, дел од пругата остана да виси во воздух откако надојдената вода го однесе земјиштето под неа. Регистрирани се бранови со висина до 16 метри.

🇮🇹 A powerful Mediterranean cyclone, “Harry,” hit Sicily.
Wind speeds reached 100–120 km/h, and wave heights reached 8–9 meters (in some places, heights of up to 10 meters were recorded.) pic.twitter.com/0MoFACn6HC

— Argonaut (@FapeFop90614) January 21, 2026

Претседателот на регионот Сицилија, Ренато Шифани, најави итна помош од над 140 милиони евра. Властите на Сардинија, исто така, соопштија за штети од неколку стотици милиони евра. Погодени се и помалите острови како Липари и Стромболи.

Невремето „Хари“ предизвика штети и во други медитерански земји, вклучително и Малта, додека во Грција животот го загубија најмалку две лица.