Силна бура беснее низ Далмација: Снимени се застрашувачки пијавици/ВИДЕО

Драматични сцени беа забележани во близина на Омиш и помеѓу Пељешац и Мљет, каде што се појавија пијавици кои за среќа не стигнаа до копното.

Како што беше најавено, силна промена на времето ја зафати Далмација во среда. Прва беше погодена северна Далмација, каде што екстремни количини на врнежи беа забележани во утринските часови. Најмногу дожд наврна во внатрешноста на Пировац.

Во Чиша Велика беа измерени дури 162 литри дожд на квадратен метар, додека во Путичање наврнаа 146 литри. Над 100 литри беа забележани и во непосредна близина на Шибеник, во областа кон Скрадин.

Бурата продолжи да се шири кон централна Далмација во раните попладневни часови. Таму беа забележани и обилни врнежи од дожд – во Доња Тијарица до 16 часот наврнаа 100 литри, во Чиста Велика 78, во Коштање повеќе од 90, додека во Макарска наврнаа над 70 литри. Сплитското подрачје добило помеѓу 10 и 50 литри дожд, а врнежите продолжиија и во вечерните часови.

До 16 часот, суво било само на крајниот југ од Далмација, но и таму се очекува дожд.

Околу 15:30 часот, источно од Омиш се појавила пијавица, формирана на морето од облаци кумулонимбуси. Според извештаите од локалното население, таа не стигнала до копното, иако во еден момент била на помалку од 100 метри од брегот. Кратко потоа, пијавица била забележана и помеѓу Пељешац и Мљет.

Силниот дожд донесе и значително освежување – во далматинската Загора температурата се спуштила на само 15 степени Целзиусови, додека во Сплит била 20 степени, што е дури седум степени пониско во споредба со истиот период вчера. На југот од Далмација, јужниот ветер сè уште дува, додека во другите региони ослабнал и престанал.

Според прогнозите, нестабилното време во Далмација ќе трае и во текот на ноќта.