Силен топлотен бран во Грција и Турција: Ниту ноќните температури не паѓаат под 30 степени Целзиусови

Грција и Турција се погодени од силен топлотен бран со температури над 40 степени Целзиусови во текот на денот.

Веќе наутро температурите се повисоки од 30 степени, а и ноќите не се пријатни. Властите предупредија дека условите ќе се влошат и очекуваат да бидат уште полоши во четврток и петок.

Грција воведе забрана за секаква работа на отворено во текот на најжешкиот дел од денот за да ги заштити ранливите работници, вклучително и во градежништвото, земјоделството и испораката. Смеат да работат само возачите на достава во возила со климатизација.

Туризмот е исто така погоден. Акрополот во Атина редовно е затворен во најжешкиот дел од денот за да се заштитат посетителите и вработените од топлотен удар.

Турската метеоролошка служба издаде предупредување поради екстремна топлина што ќе трае до петок. Во Дијарбаркир, на југоистокот од земјата, се очекува температурите да достигнат 45 степени, а во Анталија и по должината на егејскиот брег околу 40.

Властите ги повикаа граѓаните, особено децата и постарите лица, да останат во затворен простор до вечерта за да избегнат здравствени ризици поврзани со топлината.