Русија ќе стане одлучувачки играч не само во европската, туку и во глобалната безбедност, па затоа Будимпешта нема да се откаже од контактите со Москва, изјави унгарскиот министер за надворешни работи и трговија, Петер Сијарто.
„Не можеме да си дозволиме да се откажеме од дипломатските канали, не можеме да си дозволиме да се откажеме од контактите со земја од која доаѓа значаен дел од нашата енергија и со земја која, сакале или не, ќе стане одлучувачки играч не само во европскиот, туку и во глобалниот безбедносен систем во иднина“, рече Сијарто во емисијата „Час на вистината“.
Министерот ги отфрли критиките кон унгарскиот премиер Виктор Орбан за неговата посета на Москва, нагласувајќи дека сегашната влада се води само од националните интереси во својата надворешна политика.
„Работата на унгарскиот премиер не е да ги задоволува барањата на либералниот мејнстрим во Брисел или да игра според нив, туку да ги претставува интересите на унгарскиот народ. Тој го направи тоа во Вашингтон, го направи тоа во Москва и ќе го направи тоа во Брисел“, нагласи Сијарто.
Унгарскиот премиер Виктор Орбан се сретна со рускиот претседател Владимир Путин во Москва во петокот. Разговорите во Кремљ траеја речиси четири часа. Унгарскиот премиер рече дека разговорите со рускиот лидер биле успешни, бидејќи тие го гарантирале снабдувањето со енергија на Унгарија.
ИЗДВОЕНИ
Пензионерите во одбрана на линеарното пресметување на пензиите протестираат пред Уставен/ФОТО
Град Скопје ќе го крои буџетот за 2026 година заедно со граѓаните – отворен повик за идеи и предлози до скопјани
Едномесечен пробен период на „Безбеден град“: Од денес се снимаат сообраќајни прекршоци – во декември опомени, казни од јануари догодина
Нехигиената во училиштата алармира, време е за итни инспекции!
