Си ја соголи душата: Меган Маркл во ексклузивно интервју откри детали од личниот живот, кажа со што ја привлекол принцот Хари

Меган Маркл откри досега непознати детали за нејзиниот приватен живот во ексклузивно интервју, а она што го кажа за принцот Хари го шокираше целиот свет. Принцот Хари и војвотката Меган вложуваат огромен напор да го зачуваат својот приватен живот, откривајќи детали само ретко и со голема грижа. Сепак, во најновото интервју за зимското издание на списанието „Харперс Базар“, Меган изненади со својата необична искреност.

Меган Маркл ја соголи својата душа
Откако беше потврдено дека војвотката од Сасекс ќе ја краси насловната страница на зимското издание на „Харперс Базар“, беше откриено дека покрај модниот едиторијал, Меган одлучила да даде и искрено интервју, што е вистинска реткост.

Во интервјуто, таа отворено зборуваше за својата врска со Хари, меѓу другото, што привлече големо внимание од јавноста.

Меган призна дека со текот на годините, под будното око на јавноста, научила како да поставува лични граници.

– Мислам дека моите граници сега се многу поцврсти. Научив да наоѓам начини да се заштитам – рече таа.

Таа зборуваше со посебна нежност за својот сопруг, кого со љубов го нарекува само првата буква H:

– Ми се допаѓа што ме сака безусловно и храбро. Никој на светот не ме сака повеќе од него, и затоа знам дека секогаш ќе биде тука за мене.

За време на интервјуто, Меган не можеше да ја скрие насмевката додека зборуваше за Хари, а исто така откри дека најмногу ја цени неговата разиграност.

– Веднаш ме привлече тоа. Тој ја разбуди таа страна од мене. Таа енергија проникнува во секој дел од нашите животи. Дури и во работата, сакам да ја задржиме таа разиграност, да истражуваме нови работи со радост и да бидеме креативни – заклучи таа.