Американската Централна разузнавачка агенција (ЦИА) тивко работи на воспоставување трајно американско присуство на теренот во Венецуела, како предводник на плановите на администрацијата на американскиот претседател, Доналд Трамп, да го спроведе своето новооткриено влијание врз иднината на земјата, објави „Си-ен-ен“, повикувајќи се на повеќе извори запознаени со планирањето.
Се вели дека разговорите меѓу ЦИА и Стејт департментот се фокусирани на тоа како ќе изгледа „отпечатокот“ на САД во Венецуела, и краткорочно и долгорочно, по апсењето на поранешниот венецуелски претседател, Николас Мадуро, претходно овој месец, пренесе „Танјуг“.
Иако Стејт департментот ќе служи како примарно, долгорочно американско дипломатско присуство во земјата, администрацијата на Трамп, веројатно, во голема мера ќе се потпре на ЦИА за да го почне тој процес на повторно влегување поради тековната политичка транзиција и нестабилната безбедносна ситуација во Венецуела по Мадуро, додадоа изворите.
