Американскиот претседател Доналд Трамп потпиша извршна наредба со која ќе се спречи повторно стапување во сила на високите американски царини за кинескиот увоз во следните 90 дена, изјави денес функционер на Белата куќа.
Наредбата е потпишана само неколку часа пред полноќ, кога требаше да истече рокот за воведување на гореспоменатите царини за Кина, што ги најави Трамп, објави CNBC.
Одложувањето беше очекуваниот исход од последната рунда разговори меѓу американските трговски преговарачи и нивните кинески колеги, што се одржаа во Стокхолм кон крајот на минатиот месец.
