Историска дрвена црква во северна Шведска се преместува пет километри источно како дел од поширок проект за преместување на рударскиот град Кируна, чија почва стана премногу нестабилна поради подземното ископување железна руда.
Илјадници минувачи се собраа во вторник за да го видат преместувањето, објави шведската новинска агенција ТТ. Телевизиските снимки ја покажуваат дрвената црква од 672 тони како минува низ градот на специјално изградена платформа.
So this is happening right now here in Kiruna, Sweden. We're moving the massive wooden church. 0,5km/h to its new home in our new town. History being made on a Tuesday. pic.twitter.com/8zBAXmhv55
— Mia Stålnacke (@AngryTheInch) August 19, 2025
Градот Кируна, дом на најголемиот подземен рудник за железна руда во светот, почна да го преместува центарот на градот неколку километри источно пред неколку години поради растечкиот ризик од лизгање на земјиштето и уривање на зградите.
Црквата, изградена во 1912 година во стилот на национален романтизам, се движи на својата платформа со брзина од околу 500 метри на час, па се очекува преместувањето да трае два дена.
Се очекува на настанот да присуствува шведскиот крал Карло XVI Густав, а вечерва во Кируна треба да настапи групата KAJ, која ја претставуваше Шведска на Евровизија во 2025 година.
ИЗДВОЕНИ
ГРАДОНАЧАЛНИЧКИТЕ КАНДИДАТИ НА ПОМОШ ВИКААТ И СТРАНСКИ ЕКСПЕРТИ:Кампањата носи и лек за урбанистичкиот хаос – или од Мексико или од Истамбул!
Во петок ќе се знае по колку советници ќе имаат општините и Град Скопје?!
Амбасадор Рафаел Сориано Ортиз: Шпанско-македонските односи и нивната перспектива во иднина
Турција – омилена дестинација за Македонците што не сакаат да вадат паричник на одмор
