Шведската царина изврши контрола на руски брод под санкции на ЕУ

Шведската царинска служба во петокот соопшти дека властите се качиле на руски товарен брод кој во петокот се закотвил во шведските води откако имал проблеми со моторот и дека е во тек инспекција и контрола на товарот.

Портпаролот на царината, Мартин Хоглунд, изјави дека бродот „Адлер“, чии сопственици се на списокот со санкции на Европската унија (ЕУ), бил проверен со поддршка на шведската крајбрежна стража и полицијата, објави Ројтерс.

„Се качивме на бродот веднаш по 1 часот наутро за да извршиме царинска контрола. Инспекцијата е сè уште во тек“, рече Хоглунд, додавајќи дека засега не може да даде детали за наодите.