Лековите што го имитираат GLP-1, природен хормон што го регулира гладот, предизвикаа вистинска револуција – благодарение на нив, многу луѓе кои со години се бореле со вишок килограми добија нова димензија на контрола врз апетитот и исхраната.
Популарните лекови за слабеење се проширија низ целиот свет и донесоа извонредни резултати за многумина – губење на тежина, нова перспектива за храната и чувство на самодоверба. Сепак, прекинувањето на терапијата открива друга страна од приказната.
Науката сè уште открива што се случува кога е време да се престане со нивно земање, а личните искуства се приказна сама по себе.

Инјекциите за слабеење, или лековите GLP-1, им донесоа на многумина она што диетите никогаш не можеа. Постојаниот внатрешен сигнал што ги охрабрува да јадат дури и кога се веќе сити – едноставно е исклучен. Овие лекови им донесоа на луѓето кои никогаш не верувале дека можат да ослабат нова форма на телото, нова перспектива и, во многу случаи, сосема поинаков живот.

Ова се релативно нови лекови кои го имитираат GLP-1, природен хормон кој го регулира гладот, а потенцијалните долгорочни несакани ефекти само што почнуваат да се појавуваат. Две жени, со различни животни приказни, но со иста цел да ослабат и да ја одржат, ги споделија своите искуства со BBC.

Несакани ефекти

Една пациентка почнала да го користи Wegovy за да ослабе и изгубила 38 килограми по третманот. Забележала дека луѓето се однесувале кон неа со поголемо почитување, но таа имала голем број несакани ефекти – гадење, несоница, главоболки и опаѓање на косата. Иако се обидела да престане да го зема лекот неколку пати, нејзината силна желба за брзо јадење се враќала секој пат. Лекарите предупредуваат дека наглото прекинување на терапијата често води до брзо враќање на апетитот и тежината, при што дури 60-80 проценти од изгубената тежина се враќа во рок од една до три години.

Производителот на Wegovy, Novo Nordisk, изјави дека одлуките за третман треба да се донесат во соработка со здравствен работник и дека „несаканите ефекти треба да се земат предвид како дел од тој процес“.

Друга пациентка започнала третман со Mounjaro по настан што го променил животот и сериозни здравствени ризици поради дебелина. Лекот го „изгасна“ нејзиното емоционално прејадување и ѝ овозможи да го промени својот однос кон храната, да усвои поздрава исхрана и да вежба повеќе, што доведе до губење на околу 22 килограми. Сепак, по прекинувањето на третманот, таа забележа постепено враќање на тежината, што беше психолошки оптоварувачко.

Затоа експертите нагласуваат дека поддршката по прекинувањето на третманот е клучна. Фактори како што се начинот на живот, претходно споменатата поддршка, начинот на размислување и моментот во кој се прекинува третманот влијаат на тоа каков ќе биде животот по лековите GLP-1.