Што се случува со Илон Маск? Миленикот на Трамп целосно исчезна од јавноста

На почетокот на вториот мандат на американскиот претседател Доналд Трамп, еден од неговите најзначајни соработници беше токму Илон Маск.

Најбогатиот човек на светот доби задача да го води Одделот за владина ефикасност (DOGE). На самиот почеток на мандатот се појавуваше насекаде – во Овалната соба, на состаноците на кабинетот, беше и на инаугурацијата и на првото обраќање на Трамп во Конгресот.

На Truth Social, каде Трамп редовно ги споделува своите нефилтрирани мисли, претседателот некогаш го спомнуваше Маск речиси секојдневно. Но, тој не објави ништо за него повеќе од еден месец. Кампањата на Трамп исто така престана да испраќа мејлови кои ќе го користат името на Маск како мамка за донации. Име кое некогаш беше неопходно на брифинзи во Белата куќа, а сега едвај се споменува.

Иако Одделот за владина ефикасност (DOGE), со кој раководи Маск, продолжи да ги намалува трошоците, политичкото внимание сега е повеќе насочено кон царините и буџетските битки, а Маск е турнат во втор план.

Повлекувањето на Маск од политичката сцена може да донесе придобивки за Републиканската партија. Анкетите на јавното мислење покажуваат дека неговата популарност опаѓа – значително повеќе од онаа на Трамп, пишува Политико.

„Анкетите за неговата популарност јасно покажуваат дека Маск прави добра работа зад сцената. Се надеваме дека ќе остане долго време, но без улогата на политички придонесувач во кампањата“, изјави Дејвид Мекинтош, претседател на конзервативниот клуб Club for Growth.

Како што опаѓа јавната улога на Маск во Белата куќа, така се намалуваат и неговите пребарувања на Google и споменувањата во медиумите. Тоа е далеку од вниманието што го добиваше додека беше централна фигура во реформите и изборната кампања на Трамп.

Републиканците продолжуваат позитивно да зборуваат за Маск кога директно ги прашале. Се разбира, тие го сакаат неговиот огромен капитал, армија следбеници и онлајн влијание во идните изборни кампањи.

Но, иако неговиот јавен профил избледе, тоа не значи дека го изгубил пристапот и влијанието. Минатата недела тој го придружуваше Трамп во Саудиска Арабија, каде што се сретна со тамошните лидери и зборуваше на инвестициски форум.

Дури и Маск да ја напушти функцијата шеф на DOGE на крајот на мај, тоа нема да го промени фактот дека најбогатиот човек на светот го именувал раководството на тоа тело.

Доказ дека на демократите нема да им биде лесно е тоа што, според анкетите, DOGE е подобро оценет кога Маск не е вклучен во неговата работа.