Украинскиот претседател Володимир Зеленски во средата ја опиша својата средба со американскиот претседател Доналд Трамп како „долга и суштинска“, објаснувајќи дека разговарале како да се постигне прекин на огнот и вистински мир.
Зеленски ја искористи 50-минутната средба, одржана на маргините на самитот на НАТО во Хаг, за да лобира кај Трамп за инвестиции во украинските одбранбени капацитети против Русија.
„Имав долга и суштинска средба со претседателот Трамп. Ги опфативме сите навистина важни прашања. Му благодарам на господинот претседател, им благодарам на Соединетите Држави. Разговаравме за тоа како да се постигне прекин на огнот и вистински мир. Разговаравме за тоа како да го заштитиме нашиот народ“, напиша Зеленски на X.
Трамп рече дека ќе размисли да ѝ обезбеди на Украина повеќе ракети „Патриот“, на кои Киев се потпира за да се одбрани од зголемените руски напади, по средбата со својот украински колега.
Двајцата лидери изјавија дека 50-минутната средба е позитивен чекор во војната што сега е во четвртата година, а која Трамп ја опиша како „потешка од другите војни“.
Трамп за време на прес-конференцијата рече дека оружјето е „многу тешко да се добие“, но дека „ќе видиме дали можеме да ставиме дел од него на располагање“.
ИЗДВОЕНИ
Нема веќе само тројца туку сите четворица ќе јадат, уште еден член додаден во државната кошница
Трипуновски: Младите видоа дека и во земјоделство може да се заработува
Жештините го кренаа алармот: Почитувајте ги препораките на ИЈЗ, за здравјето се работи!
Обвинителството ќе ја обжали ослободителната пресуда за Ѓорчевски, одбраната најави жалби за доживотните казни
