Темата се најде повторно во центарот на политичките расправи откако американското Министерство за правда неодамна објави дека нема докази за таканаречениот „список на клиенти“ или уценувачки материјал, што е во спротивност со претходните спекулации кои кружеа со години.
Иако името на Доналд Трамп не се спомнува ниту во еден од досега необјавените досиеја, освен на списокот на контакти, темата предизвикува се поголем немир меѓу неговите приврзаниџи од редовите на движењето МАГА.
Во една сега избришана објава, милијардерот и сопствениик на „Тесла“ Илон Маск тврдеше дека името на Трамп се наоѓа во документите и го повика Трамп „да ги објави, како што вети“.
Трамп се обиде да ја отфрли темата, изјавувајќи дека „ не му е јасно зошто луѓето се уштењ зборуваат за….тој лудак“. Против Трамп не се покренати обвиненија поврзани со Епстин, иако една тужба од 2016 е повлечена во меѓувреме.
Џефри Епстин беше милионер со врски во високите општествени кругови. Тој беше уапсен во 2019 година под обвинение за трговија со малолетници за сексуална експлоатација. Тој беше пронајден мртов во затворска ќелија во Њујорк додека чекаше судење. ФБИ официјално заклучи дека станува збор за самоубиство.
По неговата смрт, досиејата станаа политичко оружје и предмет на разни теории на заговор, при што демократите бараат нивно целосно објавување, додека републиканската страна – особено администрацијата на Трамп – ги отфрла таквите потези, иако радикалната MAGA струја на Републиканската партија бара објавување, ставајќи ги во конфликт со Трамп.
Претставничката на демократите во комитетот, Тереза Лежер Фернандез, коментираше на Платформа X: „Републиканците штотуку блокираа амандман што ќе го принудеше Конгресот да гласа за објавување на досиејата на Епстин. Што кријат?“
Ро Кана рече: „Комитетот гласаше со 5-7 за да го блокира гласањето за мојот амандман што целосно ќе го објави досието на Епштајн. Луѓето се презаситени од тоа. Благодарност до претставникот Ралф Норман што гласаше за вистината. Време е да се стават луѓето пред партиските интереси.“
Портпаролот на Белата куќа, Харисон Филдс, ги отфрли шпекулациите, велејќи: „Сметаме дека секој обид за сеење раздор во овој тим е неоснован и дека го попречува вистинскиот напредок во враќањето на јавната безбедност и барањето правда за сите.“
