Легендарниот италијански напаѓач Антонио Касано упати остро предупредување до раководството и тренерот на Милан, тврдејќи дека неодамнешните успеси на клубот се должат исклучиво на хрватскиот мајстор. Касано верува дека тимот станал опасно зависен од 40-годишникот кој успеал да го исполни сонот од детството.
Прославениот, но и контроверзен италијански фудбалер Антонио Касано, познат по тоа што никогаш не ги избира зборовите, повторно ги разбранува духовите во Серија А. Овој пат, целта на неговата анализа беше Милан и улогата на Лука Модриќ, за кого тврди дека е единствената причина за оптимизам на Сан Сиро.
Касано без двоумење вели дека резултатите на тимот досега не се резултат на тактичката генијалност на тренерот Масимилијано Алегри, туку исклучиво на индивидуалната класа на хрватскиот играч од средниот ред.
„Модриќ ги прави сите околу него подобри и голем дел од успехот на Милан се должи нему, а не на Алегри. Ако Модриќ настине, Алегри ќе се врати на она што го правеше претходно: долги топки до Рафаел Леао и ќе се надева дека нешто ќе се случи“, рече Касано, сликовито сумирајќи ја својата загриженост во прашање кое одекнува меѓу навивачите: „Што ќе прави Милан ако Лука Модриќ настине?“
ИЗДВОЕНИ
Разоткриена сириска мрежа во Италија: Парите од дрога ги претворале во злато – прачките биле транспортирани и во Македонија
Од 111 прегледани граѓани од Трубарево, 11 ќе бидат дополнително испитувани на Клиниката за пулмологија
НОВА НАЈАВА НА ПРЕМИЕРОТ ЗА КОРЕНИТИ ПРОМЕНИ ВО ПРАВОСУДСТВОТО: Мицкоски: Ќе најдеме правни механизми за да ги смениме корумпираните судии и обвинители
Скопје како Лас Вегас, богата историја, многу споменици, но и многу ѓубре
