Директорот на шпанската електродистрибуција Едуардо Прието веќе ден по прекинот на струја рече дека теоријата за кибер напад е исклучена, бидејќи „не е откриен никаков упад’“ во контролните системи на компанијата.
Меѓутоа, социјалистичкиот премиер Педро Санчез потоа повика на претпазливост и рече дека „ниту една хипотеза не е исклучена“.
Минисерката Агесен во парламентот опширно зборуваше за низата случувања кои доведоа до прекинот на електрична енергија со големи размери, поради што и Шпанија и Португалија останаа без електрична енергија неколку часа.
Според неа, две големи осцилации во работата на системот се откриени во период од 30 минути кои му претходеле на прекинот на струја. Потоа следеле дефекти на одредени трафостаници во неколку подрачја во земјата.
