Три лица се уапсени, а едно лице е во притвор во операција на шпанската полиција, чија цел беше разбивање на ќелија поврзана со екстремистичката група „База“, која Европската Унија ја означи како терористичка организација.
Полицијата заплени две огнени оружја, седум оружја за вежбање, повеќе од 20 ножеви, тактичка опрема и неонацистички пропагандни материјали во операцијата во источната покраина Кастељон, објави Ројтерс.
„Водачот на шпанската ќелија бил во директен контакт со основачот на „База“, кој пред еден месец повика на консолидација на ќелиите распространети низ неколку земји“, соопшти шпанската полиција.
Во соопштението се вели дека осомничените биле „високо радикализирани“ и поминале низ паравоена обука. Според полицијата, тие изразиле подготвеност да извршат одредени напади и да регрутираат поддржувачи преку социјалните медиуми.
Во Шпанија расте влијанието на екстремната десница, а анкетите покажуваат сè поголеми симпатии меѓу младите за националистичките групи.
„База“, неонацистичка група основана во САД во 2018 година од Риналдо Назаро, промовира „акцелерационизам“, идеологија која се стреми да го забрза колапсот на демократските институции преку насилни напади.
„Лидерот на шпанската ќелија бил во директен контакт со основачот на групата, кој пред еден месец повика на консолидација на ќелиите распространети во неколку земји“, соопшти полицијата.
Полицијата додаде дека осомничените биле длабоко радикализирани и дека спроведувале паравоени обуки. Исто така, изразиле подготвеност да извршат селективни напади и користеле социјални мрежи за регрутирање симпатизери
