Шпанија ќе исплати 20 милиони евра отштета на жртвите од железничката несреќа во која загинаа 45 лица, а повеќе од 150 беа повредени, изјави денес министерот за транспорт Оскар Пуенте.
Несреќата се случи на 18 јануари во близина на Кордоба и е најлошата железничка несреќа во Шпанија од 2013 година.
Семејствата на загинатите ќе добијат по 216.000 евра во рок од три месеци, во форма на даночни ослободувања и осигурителни исплати.
Жртвите не треба да чекаат со години за помош, рече Пуенте.
На повредените ќе им бидат исплатени помеѓу 2.400 и 84.000 евра, објави „Ројтерс“.
