Шоу во Будимпешта: Трамп се вклучи во живо на собирот на Орбан, но прво се вклучи телефонска секретарка/ВИДЕО

Американскиот претседател Доналд Трамп досега му даде најдиректна поддршка на унгарскиот премиер Виктор Орбан, приклучувајќи се на предизборниот митинг во Будимпешта преку телефон во живо, на кој присуствуваше и потпретседателот Џ.Д. Венс.

Венс му се јавил на Трамп веднаш по пристигнувањето на сцената пред поддржувачите на владејачката партија Фидес, а разговорот бил емитуван во живо пред публиката, според „Еурактив“.

„Јас сум голем обожавател на Виктор, сум со него до крај, Соединетите Американски Држави се со него до крај“, рече Трамп, пофалувајќи ја политиката на Орбан, особено во областа на миграцијата.

Тој истакна дека Унгарија нема проблеми со кои се соочуваат другите земји бидејќи, како што рече, не дозволила „инвазија на мигранти“.

Трамп дополнително нагласи дека нема јавно да го поддржи Орбан ако не смета дека добро ја води земјата.

Повикот првично предизвика кратка непријатност бидејќи Трамп не одговори веднаш, па Венс доби автоматска порака во гласовната пошта, но при вториот обид претседателот се вклучи и се обрати на толпата.

Поддршката на Трамп доаѓа неколку дена пред парламентарните избори во Унгарија, на кои Орбан се соочува со предизвик од опозициската партија Тиса, предводена од Петер Маѓар.

На крајот од митингот, Венс ја повика толпата повторно да го избере Орбан за премиер.

VP Vance calls President Trump at rally in Budapest with Hungarian PM Viktor Orbán.

Trump: “He didn’t allow people to storm your country and invade your country like other people have…He’s kept Hungarian people in your country and he’s done a fantastic job.” pic.twitter.com/MQ0SypHW7z

— CSPAN (@cspan) April 7, 2026