Шон Пен го украде целото внимание во Кан со 34 години помладата девојка/ФОТО

Познатиот актер и режисер Шон Пен (64) се појави на премиерата на филмот „Bono: Stories of Surrender“ во Кан со својата девојка, молдавската актерка Валерија Ников (30).

Парот го привлече вниманието на сите присутни на црвениот тепих. И покрај 34-годишната разлика во години, нивната врска е стабилна.

Валерија Ников е молдавска актерка која последниве години се пробива на европската филмска сцена. Позната е по неколку улоги во независни филмови и серии, а Кан и ја отвори вратата на меѓународното признание.

Шон Пен и Валерија Ников, наводно, се запознале на филмскиот фестивал во Венеција во 2024 година, каде што и двајцата учествувале на панели за општествениот ангажман во филмот. После тоа, тие беа видени заедно на неколку настани, а нивната врска стана јавна на почетокот на 2025 година.

Иако 34-годишната разлика во годините е голема, извори блиски до парот тврдат дека ги поврзува заедничката страст за филмот и уметноста.

Нивната врска привлече големо внимание во медиумите, најмногу поради разликата во годините и репутацијата на Пен како „лошо момче“.

Но, и двајцата изјавија дека не обрнуваат премногу внимание на коментарите и дека најважна им е меѓусебната доверба.