Американскиот претседател Доналд Трамп во четвртокот ја нарече една новинарка „глупава“ кога беше прашан за пукањето врз припадниците на Националната гарда во Вашингтон, најновото во низата навреди што ги упати кон жените во медиумите кога не му се допаднаа нивните прашања.
„Дали си глупава? Дали си глупава личност?“, рече Трамп, прекинувајќи ја новинарката додека одговараше на прашања од медиумите во неговиот имот во Флорида за проверките на биографијата на Авганистанците во Соединетите Држави.
Целата дискусија се вртеше околу Рахманула Лаканвал, авганистански државјанин уапсен под сомнение дека пукал врз припадници на Националната гарда еден ден претходно во близина на Белата куќа. Осомничениот наводно влегол во САД по ненадејното повлекување на американските сили од Авганистан во 2021 година, пренесе „Economic Times“.
Дописничката на Си-Би-Ес њуз од Белата куќа го праша Трамп дали институциите се одговорни за недостатоците во проверките на биографијата на напаѓачот, бидејќи има тврдења дека осомничениот со години работел со ЦИА и ги поминал сите проверки.
„Полуде, отиде во пеколот“, рече тој за осомничениот, Лаканвала.
Откако една новинарка го оспори тврдењето на Трамп дека администрацијата на Бајден неправилно ги проверувала Авганистанците донесени во Соединетите Држави и му постави ново прашање, американскиот претседател ја навреди.
Новинарката конкретно го праша Трамп зошто го обвинува својот претходник Џо Бајден, кога членови на неговата администрација рекоа дека авганистанските имигранти поминале низ темелна проверка пред да влезат во земјата. „Затоа што ги пуштија внатре“, рече Трамп, држејќи фотографија од американски воен авион полн со луѓе кои бегаат додека Талибанците ја преземаа власта.
„Дојдоа со илјадници други кои не треба да бидат тука, а вие поставувате прашања, зошто сте глупава“, рече Трамп.
@livenowfox“Are you stupid?” President Trump responded to a reporter when asked about the vetting of the National Guard shooting suspect. President Trump was asked about the suspect after he hosted a call with U.S. service members on Thanksgiving. At the beginning of the call, Trump announced the death of Spec. Sarah Beckstrom, one of the National Guard members who was shot in Washington, D.C. on Wednesday.♬ original sound – LiveNOW from FOX
Репортерката остана смирена, кревајќи ја веѓата додека Трамп продолжи да ја прекинува.
Новата рунда навреди дојде неколку дена откако американскиот претседател ѝ рече на новинарката на Блумберг да „молчи“ и ја нарече „свиња“ во Ер Форс Уан откако таа му постави прашање за осудениот сексуален престапник Џефри Епштајн. Тој исто така ѝ рече: „Ти си најлошата“.
Оваа недела, тој ја нарече новинарката на Њујорк Тајмс „грда одвнатре и однадвор“ затоа што пишуваше дека тој се поретко се појавува во јавноста.
