Невообичаено, но одлично смислено и изработено, матурантите од СОУ „Јосиф Јосифовски“ од Гевгелија го искористија својот претпоследен ден од школувањето за реализирање на еколошка акција во паркот „Виолета“ во Гевгелија.
Со обновување на опремата за седење и играње, бојосување и садење цвеќиња, сите матуранти присуствуваа на својот последен час, искажувајќи ја благодарноста и кон училиштето, но и кон градот за укажаната можност и за убавите денови поминати во гевгелискиот средношколски центар.
– Како матуранти, дојдовме тука да го обновиме најстариот парк во Гевгелија. Се надеваме дека ова ќе стане традиција во нашата општина и дека идните матуранти ќе ја продолжат, бидејќи само така нашиот град ќе биде поубаво место за живеење – истакна еден од матурантите.
Како симбол на генерацијата, матурантите посадија маслинка, која, како што кажаа, е вековито дрво и сакаат таа да расте и да потсетува на нив и на нивните успеси и подвизи во изминатиот четиригодишен период.
ИЗДВОЕНИ
По еден месец затвор за секој загинат, обвинуваат семејствата на жртвите
Палевски во последен обид на докажување невиност, ОЈО му се спротивстави со нови докази
Амбасадор Рафаел Сориано Ортиз: Пред нас е летото, во Шпанија ве очекуваме со раширени раце
Матурантите на „афтер забави“ во преполни дискотеки
