Шји Џјинпинг на 105-годишнината на Комунистичката партија на Кина: КПК активно да одговори на ризиците и предизвиците на патот што претстои

Претседателот Шји Џјинпинг во средата ја поздрави 105-годишната историја на Комунистичката партија на Кина како „највеличествениот еп“ на кинеската нација и ја повика Партијата да продолжи со изградбата на Кина во модерна социјалистичка земја според предвидениот рок.

Обраќајќи се на собирот по повод 105-годишнината од основањето на КПК, Шји, кој е, исто така, генерален секретар на Централниот комитет на КПК и претседател на Централната воена комисија, ги повика членовите на Партијата да останат непоколебливи во своите убедувања и да работат неуморно за да ги исполнат мисиите на Партијата во новата ера и на новото патување.

Основана во 1921 година во услови на слаба Кина, погодена од понижување и сиромаштија од странство, КПК прерасна од мала група од нешто повеќе од 50 члена во најголемата владејачка партија во светот со огромно глобално влијание. Шји ја нагласи важноста од исполнување на целта за целосно реализирање на социјалистичката модернизација до средината на векот.

– Времето не запира за никого, ниту, пак, историјата – рече тој.

Целата Партија мора да се придржува до својата основна теорија, основна линија и основна политика за „да остане бестрашна пред минливите облаци и да остане на курсот низ ветер и бранови“ додаде Шји.

Нагласувајќи дека Партијата мора тесно да се потпира на народот за да создаде нови историски подвизи, Шји ги повика нејзините членови  за „понатамошно оживување на претприемачкиот дух за завршување на работите“. Тој, исто така, ја повика партијата активно да одговори на ризиците и предизвиците на патот што претстои.

– Развојот на Кина сега е во период кога коегзистираат стратешките можности со ризиците и предизвиците и каде што неизвесните и непредвидливи фактори се во пораст. Секогаш мора да бидеме подготвени да издржиме големи тестови на силни ветрови и бранови што беснеат, па дури и насилни бури – предупреди тој.

Како што се забрзуваат длабоките промени невидени во еден век, светот влезе во нов период на турбуленции и трансформација, при што човештвото повторно стои на раскрсница на избор, рече Шји.

– Мораме постојано да го промовираме градењето заедница со заедничка иднина за човештвото – рече тој.

Си, исто така, го нагласи унапредувањето на целосното и ригорозно самоуправување на Партијата со постојани напори за победа во „тешката, долготрајна и сеопфатна битка против корупцијата“.

– Императив е сите во партијата никогаш да не ја заборавиме нашата првична аспирација и основачка мисија, секогаш да останеме скромни, разумни и вредни и да имаме храброст и способност да ја продолжиме нашата борба – додаде тој.

Според последниот попис, КПК сега има речиси 101,29 милиони члена и над 5,43 милиони партиски организации на примарно ниво.

На собирот, Шји им го додели медалот „1 Јули“, највисокото одликување на КПК, на нејзините примарни членови.