Лидери на повеќе држави го откажаа учеството на годинашниот состанок на групата Г20 во која се најмоќните земји и земјите со забрзан рaзвој.
Учеството на самитот што ќе се одржи во Јужноафриканската Република в сабота и недела, први го откажаа кинескиот претседател Шји Џинпинг и рускиот Владимир Путин. Но, тие испраќаат свои претставници – премиерот Ли Чијанг го заменува Шји, а заменик-шефот на претседателската администрација, Максим Орешкин, го заменува Путин.
САД целосно го бојкотираат самитот и нема да имаат свој претставник, иако претседателот Доналд Трамп претходно најави дека потпретседателот Џ. Д. Венс ќе го претставува. Трамп ја обвинува јужноафриканската влада дека ги прогонува и ги убива белите земјоделци за да ја конфискува нивната земја и тоа го наведува како причина за неприсуство. Но, Трамп сигурно ќе учествува на самитот следната година, зашто неговата земја е домаќин.
Нема да дојдат ни претседателите на Аргентина и на Мексико, кои, како и Кина и Русија, ќе испратат претставници. Со ова, од вкупно 19 претседатели и премиери на земји членки на Г20, на овој самит ќе дојдат само 13.
ИЗДВОЕНИ
Нема притвор за инспекторот што му пишувал на газдата на „Пулс“ да има „ок“ каса и тетратка
Дали Адем Чучуљ ќе го врати интегритетот на ДКСК?
Македонија со непроменета официјална политика – поддршка на концептот „Една Кина“
Двајца во куќен притвор и мерки на претпазливост за седуммина поврзани со работата на клубот „Пулс”
