Сопствениците на „Ер Индија“ открија колку ќе им платат на семејствата на секој загинат во авионската несреќа во Ахмедабад.
Сопственикот на „Ер Индија“ Тата Сонс ќе им понуди околу 10 милиони рупии или околу 100 илјади евра на семејствата на загинатите откако авионот „Боинг 787“, кој летал за Лондон, се урна само неколку минути по полетувањето, пишува Дејли мејл.
Властите претходно соопштија дека стравуваат дека сите 242 лица во авионот загинале откако авионот се урнал и се запалил. Авионот се урна во хостел за медицински работници во Ахмедабад.
Локалните власти потврдија дека најмалку пет студенти загинале, а околу 50 се повредени, додека Британецот Вишваш Кумар Рамеш е единствениот потврден патник кој ја преживеал несреќата.
Се појави како 40-годишниот Вишваш Кумар Рамеш, се оддалечува од остатоците на урнатиот авион.
There was a huge bang just seconds after takeoff.
I ran through smoke and fire. says the British citizen Ramesh Vishwash Kumar, the lone survivor of the deadly #AirIndia #planecrash pic.twitter.com/DwLTOflosw— #TharoorSoulOfIndia 🇮🇳 جمیل (@jameelsjam) June 12, 2025
Досега, спасувачките тимови, поддржани од војската, извлекоа 204 тела, меѓу кои жртви од авионот и од областа околу несреќата.
Меѓу патниците имало 159 индиски државјани, 53 Британци, седум Португалци и еден Канаѓанец. Единаесет од патниците биле деца, меѓу кои и две новороденчиња.
Околу шест часа по падот, Групацијата Тата, матичната компанија на Ер Индија, соопшти дека ќе ги покрие и медицинските трошоци на повредените и ќе обезбеди поддршка за изградба на медицински колеџ каде што се урнал авионот.
„Длабоко сме тажни поради трагичниот инцидент со летот 171 на Ер Индија. Ниту еден збор не може адекватно да ја изрази тагата што ја чувствуваме во овој момент. Нашите мисли и молитви се со семејствата кои ги загубија своите најблиски и оние кои беа повредени. Групацијата Тата ќе обезбеди 10 милиони рупии за семејствата на секое лице кое ги загубило својот живот во оваа трагедија. Исто така ќе ги покриеме медицинските трошоци за повредените и ќе осигураме да ја примат сета потребна нега и поддршка“, истакна портпаролот на компанијата, додавајќи:
„Остануваме цврсти во нашата поддршка за погодените семејства и заедници во ова незамисливо време.
Ер Индија, исто така, објави дека има два лета за помош до Ахмедабад за семејствата на патниците вклучени во несреќата и за екипажот.
