Сезоната на слави започна – мрсно или посно, важно да е умерено: Ефикасни природни начини да се справите со надуеноста по прејадување

За време на сезоната на гозби, вашиот стомак може да страда од масна и силна храна; па дури и да станува збор за посна трпеза, претерувањето, секако, може да го оптовари желудникот.

Да не заборавиме дека во нашата традиција е навреда за домаќинот гостите да го напуштат домот каде што се одржува прославата со празен стомак, а истовремено, често е и исклучително тешко за гостите да одолеат на сите тие вкусни деликатеси принесени на трпезата.

Не заборавајте дека трпезата не е централниот фокус на славите, заедничните семени вечери, празнувањата значајни поводи,  таа е само повод за зближување, отпочнување разговор, дружење и уживање со избрано друштво.

Ако веќе ви се случи да претерате, постојат начини како природно да ја ублажите непријатноста.

Токму поради сето ова, чувството на надуеност, тежина во стомакот, киселини во желудникот и општа нерамнотежа во варењето често се јавува како резултат на преголеми оброци и комбинации на храна на кои телото не е навикнато. Наместо да посегнувате по лекови, можеби е подобро да пробате природни начини што можат да ја ублажат непријатноста и да му помогнат на желудникот да се смири.

Топла вода со лимон

Иако лимонот изгледа покисел, тој има алкален ефект во телото. Чаша млака вода со малку лимон наутро или по оброк може да го ублажи горушицата и да го стимулира варењето на храната.

Чај од нане

Нането е еден од најчесто користените природни сојузници против надуеност и чувство на „камења во желудникот“. Топлите голтки ги опуштаат мускулите во желудникот и ја намалуваат непријатноста.

Ѓумбир за гадење и надуеност

Свеж или во форма на чај, ѓумбирот е познат по смирување на желудникот и подобрување на варењето на храната. Неколку тенки парчиња прелиени врз топла вода можат да бидат сосема доволни.

Сода бикарбона – трикот на баба за моментален мир

Мала количина, растворена во вода, сода бикарбона може привремено да ја ублажи горушицата. Сепак, треба да се користи умерено и не премногу често.

Јогурт или кисело млеко по масен оброк

Ферментираните млечни производи можат да ја вратат рамнотежата во цревата и да го смират желудникот по обилен оброк.

Прошетајте лежерно наместо да се одморате на каучот

Кратка, лесна прошетка од 10-15 минути го поттикнува варењето на храната многу поефикасно од лежењето, што честопати само ја влошува горушицата.