Семафори и лежечки полицајци околу училишта во Аеродром

Пред стартот на новата учебна година, Општина Аеродром ја обнови хоризонталната сообраќајна сигнализација во близина на основните училишта.

-Целта е да обезбедиме поголема безбедност за учениците, родителите и сите учесници во сообраќајот. Најмладите заслужуваат безгрижно и безбедно патување до училиште, а ние како општина преземаме конкретни мерки за тоа – истакна градоначалникот на Општина  Аеродром, Дејан Митески.

Тој додаде дека се надева оти и Град Скопје ќе го следи овој пример и конечно ќе постави семафори на раскрсницата кај ООУ „Љубен Лапе”, за што, како што вели веќе има одобрен сообраќаен проект.