Селена Гомез и Бени Бланко се венчаа: Раскош во секој детал, дури и во поканите/ФОТО

Селена Гомез и Бени Бланко се венчаа овој викенд на раскошен имот во Калифорнија, опкружени со блиски пријатели и ѕвезди, а нивните елегантни покани и романтични фотографии од гламурозната церемонија веќе ги освоија обожавателите ширум светот.

Селена Гомез и Бени Бланко разменија завети на гламурозна свадба во Калифорнија, а сега нивните раскошни покани протекоа.

Романтична церемонија
Пејачката Селена Гомез (33) и музичкиот продуцент Бени Бланко (37) се венчаа во саботата навечер по девет месеци свршувачка на луксузен приватен имот од 170 хектари северно од Санта Барбара. На церемонијата присуствуваа голем број познати личности, меѓу кои нејзината долгогодишна пријателка Тејлор Свифт, Парис Хилтон и нејзините колеги од „Only Murders in the Building“, Стив Мартин и Мартин Шорт.

Романтичната церемонија се одржа на локација со поглед на океанот, а гостите пристигнаа во црни комбиња од Мерцедес. Сè започна претходната вечер со раскошна пробна вечера во вила со десет спални соби во елитната населба Хоуп Ранч, каде што младенците беа домаќини на својот најтесен круг пријатели.

Поканите, исто така, привлекоа големо внимание. Компанијата MG Invitaciones од Мексико, која ги изработи, откри дека се изработени на бела позадина, со елегантни златни букви, восок и декоративни бели цвеќиња. На нив пишуваше: „Заедно со нивните семејства, Селена Мари Гомез и Бенџамин Џозеф Левин срдечно ве покануваат на нивната свадба“, по што следуваше датумот и локацијата. Компанијата се огласи на социјалните мрежи за да му се заблагодари на познатиот пар што ги избра за толку важен момент и им посака среќа и благослови во нивниот заеднички живот.

 

View this post on Instagram

 

A post shared by MG Invitaciones Mx (@mginvitacionesmx)