Сексуално загрозената жена се враќа во Формула 1

Жената што поднесе обвинувања за сексуално вознемирување против поранешниот шеф на Ред бул, Кристијан Хорнер, се врати на работа во Формула 1. Таа беше суспендирана од Ред бул во март 2024 година и оттогаш не работеше. Ниту таа ниту нејзиниот работодавец не коментираа за нејзиното враќање.

Хорнер беше отпуштен од својата позиција во јули оваа година, по повеќе од две децении на чело на тимот. Компанијата не даде официјална причина за неговото отпуштање.

Жената поднесе жалба до Ред бул во декември 2023 година, обвинувајќи го Хорнер за сексуално вознемирување и за „принудно, контролирачко однесување“.

Иако внатрешна истрага на Ред бул во февруари 2024 година ги отфрли обвинувањата, само еден ден подоцна пораките на „Ватсап“ во кои наводно е вклучен Хорнер, беа објавени во јавноста.

Тој одби да потврди за нивната автентичност, нарекувајќи ги „анонимни, шпекулативни пораки од непознат извор“.