Почна седницата на Советот за безбедност што ја закажа претседателката Гордана Сиљановска-Давкова на која на дневен ред е безбедносната состојба во земјава по најновите случувања на Блискиот Исток.
Претседател на Советот за безбедност е претседателката Гордана Сиљановска Давкова, а на седницата присуствуваат членовите на Советот за безбедност: претседателот на Собранието Африм Гаши, претседателот на Владата Христијан Мицкоски, министерот за внатрешни работи Панче Тошковски, министерот за одбрана Владо Мисајловски и Тимчо Муцунски, министер за надворешни работи и надворешна трговија, како и Џевдет Хајредини, Малинка Ристевска Јорданова, и Владо Спиридонов.
Од Кабинетот на претседателката информираа дека седницата е закажана по претходно спроведени консултации на шефицата на државата со надлежните институции.
Советот за безбедност претставува највисоко советодавно тело во државата кое разгледува прашања од областа на безбедноста и одбраната и доставува предлози и препораки до Собранието и Владата.
Со Советот претседава претседателката на државата, Гордана Сиљановска Давкова.
ИЗДВОЕНИ
Образованието на продажба додека траат реформите: Матурска задача по нарачка, петка за 800 денари!
Анализа на ВЕЧЕР со воени експерти: Блискиот Исток гори – какви се последиците по нашиот регион?
Месо од Бразил, грав од Египет, ориз од Азија… македонската трпеза остана без домашни производи
Летната сезона во сенка на биометриските проверки – долги редици и ИТ-проблеми на европските граници
