Жичарница со околу 80 лица застана на планината Захар Беркут во селото Волосјанка во Украина, а во тек е спасувачка операција, соопшти Државната служба за вонредни ситуации на Украина.
Како што објави Укринформ, пријавата за дефект на жичарницата е примена во 11:50 часот, а до 13:04 часот, планинските спасувачи евакуирале 42 лица, меѓу кои и 22 деца.
Според Државната служба за вонредни ситуации, на жичарницата вкупно има околу 80 лица.
Во операцијата учествуваат 42 спасувачи и седум единици специјална опрема, а во тек е и работата за извлекување на туристите.
Укринформ објави дека во Карпатите, на планината Пип Иван Чорногирски, на 24 декември, на Бадник, температурата на воздухот паднала на минус 13 степени Целзиусови.
