Се враќа кошмарот на сите напаѓачи: Се радуваа на неговото пензионирање, но тој се премисли

Еден од најдобрите ракометни голмани на 21 век, Никлас Ландин, сепак ќе брани на Европското првенство во 2026 година. Ландин се повлече од данската репрезентација по златниот медал на Олимписките игри во Париз 2024 година, што беше „радосна“ вест за сите напаѓачи, но се премисли и повторно ќе биде кошмар за нив.

За што станува збор? Ландин е дел од проширениот список на данската репрезентација за овој турнир, кој, меѓу другото, се организира во Данска (се игра и во Норвешка и Шведска), односно ќе биде во „состојба на подготвеност“ за критични моменти пред крајот на турнирот.

Ова значи дека Ландин ќе биде специјалното оружје на Данска за крајот на турнирот, односно тогаш најверојатно ќе се менува со големиот Емил Нилсен – голманот на Барселона. Освен тие двајца, на проширениот список се и Микел Леквист и Бертрам Облинг, додека Кевин Милер беше пречкртан.

„Сакам да можам да го повикам – тој е добра сигурност за нас“, рече тренерот Николај Јакобсен пред почетокот на подготовките, додавајќи дека Тонас Арнолдсен е, исто така, на списокот, затоа што постои мала шанса тој да игра, и покрај повредата на листот.

Европското првенство во ракомет ќе се игра од 15 јануари до 1 февруари, а македонската ракометна репрезентација е во групата токму со Данска, како и Португалија и Романија.