Најмалку пет лица загинаа во Тексас откако авион на мексиканската морнарица се урна во густа магла кај Галвестон. Авионот бил на медицинска мисија и носел дете со тешки изгореници, објави Би-Би-Си.
Според „Флајт Радар“, авионот последен пат бил виден над заливот Галвестон во 15:01 часот по локално време. Летот бил организиран за Фондацијата Мичу и Мау, која обезбедува грижа за мексикански деца со тешки изгореници. Секретаријатот на мексиканската морнарица соопшти дека едно лице сè уште е исчезнато, додека две лица се спасени живи.
⚠️ 5 dead after Mexican Navy plane crashes in #Texas while on aid mission
The plane was carrying four members of the Mexican Navy and four civilians. The Mexican Navy said five people died, two people were rescued and one person remains missing. pic.twitter.com/byPBBFKFG3
— News.Az (@news_az) December 23, 2025
Видео снимките добиени од АП ги прикажуваат остатоците од авионот во водата, со сведоци и полицајци кои влегуваат во морето за да ги бараат остатоците. Скај Декер, локален капетан на јахта, рече дека однел двајца полицајци до речиси потонатиот авион, а потоа самиот скокнал во водата и ја пронашол тешко повредената жена.
„Не можев да поверувам. Имала само неколку сантиметри воздух за дишење. Внатре имало гориво измешано со вода, испарувањата биле навистина лоши. Таа навистина се борела за својот живот“, рече Декер.
Операциите за пребарување и спасување продолжуваат во координација со крајбрежната стража на САД. Видеото снимено во близина на местото на несреќата покажува нуркачки тим како работи во густа магла.
