Украинската војска објави дека нападнала руска хемиска фабрика во Брјанск со ракети „Сторм Шедоу“, оружје со долг дострел произведено во Велика Британија.
Во соопштението се вели дека станува збор за „успешен удар“ кој ги пробил руските системи за воздушна одбрана, а војската моментално ги проценува последиците од „масовниот“ напад, објавува „Би-Би-Си“.
Само неколку часа подоцна, Русија изврши моќен напад со беспилотни летала и ракети врз неколку украински региони, при што загинаа шест лица, меѓу кои и две деца, според претседателот Володимир Зеленски.
Вонредни прекини на електричната енергија беа воведени во Киев и регионите Киев и Дњепропетровск, а извештаите покажуваат дека целите на руските напади биле термоцентрали. Две лица беа убиени во нападите врз главниот град, а уште три, меѓу кои жена и две деца, во пошироката област на Киев.
Руските власти сè уште не го коментираа нападот врз хемиската фабрика во Брјанск, но го повторија своето предупредување до Западот да не ја снабдува Украина со ракети со долг дострел. Украинската армија соопшти дека е потребно да се таргетираат руските воени објекти кои играат клучна улога во агресијата против Украина.
Missile and drone strikes on Russia is underway. So far, this was reported:
– UAVs targeted a power substation in Bryansk region;
– Allegedly, a Storm Shadow missiles struck the Bryansk Chemical Plant, which had been serving Russia’s military-industrial complex;
– A thermal… pic.twitter.com/Po5FNZvQfr— Kate from Kharkiv (@BohuslavskaKate) October 21, 2025
