На неколку локации во општина Кавадарци во тек се градежни активности. Се реконструира Градскиот базен кој ќе функционира како забавен воден парк, и за младите и за повозрасните. Инвестицијата е во висина од 48.000.000 денари и е од Владата. Потоа, реконструира ученичкиот дом „Крсте Петков Мисирков’’ на површина од над 4,5 илјади квадратни метри со капацитет од сто легла за сметување на ученици од Берово, Пехчево, Гевгелија, Дојран, Богданци. Со оваа реконструкција општината има вложено околу 10.000.000 денари.
Градежните активности има и на велосипедско-пешачка патека Глишиќ – Марена за сите љубители на пешачењето и велосипедизмот. Оваа патека е долга 854 метри и нуди безбедно и убаво место за рекреација. Станува збор за инвестицијата од 10 милиони денари од Општина Кавадарци, а 22 милиони денари општински средства се потрошени и за новоизградената спортска сала во село Марена, со корисна површина од 400 квадаратни метри која е во рамки на подрачното општинско училиште „Страшо Пинџур’’.
Градоначалникот на Кавадарци, Митко Јанчев појасни дека изградбата на спортска сала во село Марена е нов модорен простор кој располага со соблекувални, тоалети и просторија за наставниците. Јанчев потсети дека ученички Дом „Крсте Петков Мисирков’“ во 2023 година со одлука на Советот е под надлежност на Општина Кавадарци.
– Самиот ученички дом располага со сопствена зграда од приземје и два ката. Долгот на ученичкиот дом по преземањето под надлежност на општината беше 5 милиони денари. Изминатиот период овој ученички дом имаше целосна реконструкција која опфаќаше комплетно реновирање на собите, тоалетите, кујна, ходници, фитнес простории и влезни партии, целосно надворешно осветлување – информираше градоначалникот.
Тој додаде дека со комплетна реконструкција на Градски базен Кавадарци, се предвидува, нивото да се намали со комплетно нови плочки, нов пумпен систем за вода и филтри.
– На дел од големиот базен ќе се постават и топогани, а другиот дел ќе си остане рекреативен. Во малиот детски базен ќе се постават детски реквизити за водните лудории за децата, а во партерот ќе има и детско игралиште на гумена подлога. Комплетно ново реновирање на тоалети, соблекувални, тушеви, партер околу целиот базен, соба за доктор, влезни партии, нови кровови на постоечките шанкови, лежалки – објасни Јанчев.
(А.П.)
