Се превртела, па се запалила цистерна со нафта, огнот изгаснат со пена

Цистерна која превезувала нафта, претпладнево излетала од регионалниот пат Гевгелија – Богданци и се превртела, по што дошло до истекување на нафта и нејзино палење.

Директорот на Дирекцијата за заштита и спасување, Стојанче Ангелов информираше дека ТППЕ – Гевгелија веднаш пристигнала на местото на несреќата и со специјална пена го изгасила огнот кој предизвикал силнен црн чад.

Според Ангелов, тие во овој момент имаат целосна контрола.

-Истекувањето на нафтата продолжува понатаму, опасноста од појава на нов оган е сведена на минимум – тврди Ангелов.