Се предозирал синот на Шер: „Имал голема среќа што преживеа“

Синот на пејачката Шер, Илајџа Блу Алман, наводно се предозирал во Јужна Калифорнија овој викенд, дознава TMZ.

Извори запознаени со ситуацијата изјавија за TMZ дека синот на Шер и покојниот Грег Алман бил итно префрлен во болница во Џошуа Три, Калифорнија, откако се предозирал рано наутро во саботата.

Моментално не е познато каквa дрога користел.

Се вели дека тој сè уште е во болница и добива најдобра можна нега, и дека имал голема среќа што преживеал.

Извори за TMZ велат дека, како и секоја мајка, Шер во моментов е единствено загрижена за здравјето на својот син и прави сѐ што може за да му ја обезбеди потребната помош.

Илајџа претходно отворено зборуваше за своите борби со зависноста, откривајќи во интервју од 2014 година дека почнал да користи дроги на 11-годишна возраст.

Во тоа интервју, тој рече дека имал неколку искуства близу до смртта поради предозирање: „Имаше моменти кога навистина бев на работ на смртта. Секогаш се обидував да бидам што е можно повнимателен, но тоа едноставно не е можно.“