Сите градски јавни претпријатија се вклучени во сеопфатна и темелна акција за чистење на Клиничкиот центар „Мајка Тереза“ – срцето на македонското здравство, кое секојдневно го посетуваат илјадници граѓани од сите делови на државата.
Најавувајќи ја оваа акција, скопскиот градоначалник, Орце Ѓорѓиевски, истакна дека оваа акција е директен одговор на оправданите реакции и забелешки од граѓаните за долгогодишната негрижа кон овој исклучително важен комплекс.
– Местото каде што се лекува народот мора да биде чисто, безбедно и достоинствено. Се мијат и се чистат улиците и паркинзите, се сече и се отстранува опасната вегетација, се чистат сливниците, се метат сите површини со специјализирани возила и се подига кабастиот и комуналниот отпад. Секој агол се уредува, со цел Клиничкиот центар да добие лик каков што заслужува – изјави Ѓорѓиевски.
Тој најави дека ова е почеток на континуирана грижа и нагласи дека ваквите акции ќе продолжат и во иднина.
ИЗДВОЕНИ
Административците ќе добијат 40 отсто зголемување, а другите плати остануваат на „листа на чекање“
Во вторник ќе се решава судбината на камионџиите од Западен Балкан
Граѓаните бараат построги еколошки стандарди, Цементарница ги отфрла обвинувањата
Сообраќајниот хаос во центарот ќе се намали за најмалку 30 отсто
