Во завршна фаза се објектите наменети за верските потреби на затворениците во КПУ Затвор Струмица. Денеска, директорката на Комисијата за односи со верските заедници и религиозните групи, Оливера Трајковска, и директорот на Управата за санкции, г. Александар Пандов, ја посетија КПУ Затвор Струмица во придружба на советничката Наташа Ниќифоровиќ од КОВЗ и на раководителката на сектор од Управата за санкции, Христина Божиновска.
– Директорот на КПУ Затвор Струмица, Зоран Ристов, и заменик-директорката Наташа Лазарова-Донева ги запознаа директорите со актуелната состојба во затворот и овозможија увид на објектите што ги подготвуваат за затворениците. Во рамките на затворот, во завршна фаза се малата црква посветена на свети Јустинијан и објектот наменет за затворениците од муслиманска вероисповед – информира Оливера Трајковска на својот профил на социјална мрежа „Фејсбук“.
Таа додаде дека целта на посетата е иницирање капелански служби во затворите за процесот на ресоцијализација и дерадикализација да биде поуспешен.
– Истовремено, затворениците би го оствариле правото на достапна психолошка и духовна помош – нагласува Трајковска.
ИЗДВОЕНИ
Посета со врзани раце – ќе видат сè, ама нема да смеат да кажат ништо
Ќерка ми не умре од канцер на дојка, туку ја убија со тие хемии
Граѓаните ги интересира само цената на производот, а не дали е македонски, српски, босански…
Војната во Украина и над небото на Полска: „Соборени руски борбени беспилотни летала“
