Општинските служби на Карпош задолжени за хигиената на јавниот простор почнаа со расчистување на мини депонијата која се наоѓа во близина на СЦ „Борис Трајковски“.
-Оваа мини депонија веќе одреден период се полни со шут и друг отпад од несовесни граѓани и имаше тенденција да прерасне во сериозен извор на загадување, па општината интервенираше и спроведува акција за нејзино расчистување, како и поставување на заштитна рампа која би спречила повторно депонирање на отпад – информираа општинските власти.
Тие додаваат дека инспекторатот на Општина Карпош будно ќе следи и превенира случаи на несовесно фрлање на отпад и ќе казнува согласно своите надлежности и законски прописи на целата нејзина територија.
