Извештаите во западните и украинските медиуми дека рускиот претседател Владимир Путин го пуштил „низ вода“ рускиот министер за надворешни работи, Сергеј Лавров, се целосно лажни, изјави денес портпаролот на Кремљ, Дмитриј Песков.
– Нема ништо во овие извештаи што одговара на реалноста – рече Песков на прес-конференција, пренесува ТАСС. Одговарајќи на прашањето дали Лавров е сè уште на функцијата, Песков рече дека „Лавров работи како министер за надворешни работи“.
„Москва Тајмс“, независен медиум со седиште во Холандија, вчера објави дека Путин го отстранил Лавров од теренот и дека министерот исчезнал од јавноста откако САД ненадејно го откажаа предложениот самит со Русија во Будимпешта, објавува европскиот „Политико“.
Според веб-страницата на руското Министерство за надворешни работи, Лавров последен пат се појавил јавно на 28 октомври, кога учествувал на Меѓународната конференција за евроазиска безбедност во Минск, главниот град на Белорусија.
ИЗДВОЕНИ
Работниците гинат на работните места, заштитната опрема сè уште трошок за газдите
Од договорените 50.000, директорот за земјоделските фондови фатен со 400 евра
КОЛУМНА, ЗОРАН БОГАТИНОВ: Европскиот театар на апсурдот
55 од понеделник и уште 20 приватни автобуси до Нова година по скопските улици / Фотогалерија
