Индиската полиција денеска соопшти дека повеќе од 240 лица загинале во авионската несреќа на „Ер Индија“ во Ахмедабад, посочувајќи дека претходно објавениот биланс на загинати од 294 е погрешен поради тоа што деловите од телата на жртвите се бројат двапати, пренесува Ројтерс.
Меѓу загинатите има и патници на авионот на „Ер Индија“ и студенти на медицинскиот колеџ BJ, кој се наоѓа во близина на аеродромот Ахмедабад.
Локалните власти потврдија дека најмалку пет студенти загинале, а околу 50 се повредени, додека Британецот Вишваш Кумар Рамеш е единствениот потврден патник кој ја преживеал несреќата.
There was a huge bang just seconds after takeoff.
I ran through smoke and fire. says the British citizen Ramesh Vishwash Kumar, the lone survivor of the deadly #AirIndia #planecrash pic.twitter.com/DwLTOflosw— #TharoorSoulOfIndia 🇮🇳 جمیل (@jameelsjam) June 12, 2025
Авионот се урна во хостел за медицински работници во Ахмедабад, а според локалната полиција и спасувачките тимови, на местото на несреќата биле пронајдени најмалку 204 тела.
Според извештајот на Федерацијата на индиските лекарски здруженија (ФАИМА), повеќето од патниците од авионот биле пренесени во болница без знаци на живот.
Патнички авион на „Ер Индија“ со повеќе од 240 луѓе се урна денеска при полетување на аеродромот во западниот индиски град Ахмедабад во државата Гуџарат.
Авионот требало да лета за Лондон, а меѓу патниците имало и државјани на Индија, Велика Британија, Канада и Португалија.
