По цели 33 години, првпат се врши целосна реконструкција и обновување на горниот кат од градинката „Буба Мара“ во Ново Лисиче. Најмладите, од септември, ќе ги пречекаат нови и значително подобри услови за престој.
Градоначалникот на Општина Аеродром, Дејан Митески, информираше дека на горниот кат се врши замена на подовите во сите занимални и простории, се заменуваат вратите и се бојадисува целиот простор.
– Дечињата, од септември, ќе престојуваат во убаво уреден и целосно освежен простор, со нов мебел и нови дидактички материјали, создадени за нивниот пријатен престој, игра и учење – истакна Митески.
