Еквадорскиот претседател Даниел Нобоа изјави дека некој се обидел да го отруе со чоколадо и џем што содржат токсични хемикалии, кои ги добил на јавен настан.
Ова е втора тужба поднесена од владата за обид за атентат врз претседателот, во услови на интензивни протести на домородните народи против неговата политика.
Присуството на овие три хемиски соединенија „во високи концентрации не може да биде ненамерно“, рече Нобоа во интервју за американската телевизиска мрежа Си-Ен-Ен.
„Поднесовме жалба, ги презентиравме доказите – концентрацијата на три хемикалии“ во слатките, додаде претседателот.
На почетокот на октомври, еквадорската влада тврдеше, иако ова не можеше да се потврди, дека автомобилот во кој се наоѓал Даниел Нобоа бил цел на напад.
И тогаш надлежните служби поднесоа тужба за „обид за убиство“.
Од средината на септември, владата се соочи со протести и блокади на патиштата во неколку провинции.
Протестите ги започна најголемата организација на домородните народи во земјата, која се спротивставува на отстранувањето на субвенциите за дизел.
